OYQAN
Qaraqalpaqsha
at. 1. Búlik, bılaǵay, shataq, jánjel, topalań, shawqım.
Jálladlarǵa mama oyqan saladı, Dabılın esitken qayıl boladı («Máspatsha»).
Otırsań kórip, doslarım, Mına bolǵan oyqandı («Qırq qız»).
Jınayatlar islep saladı oyqan, SHaytan jerkenerli kılwası buzıq (I.YUsupov).
Gúrji, kópek bir maydanda birigip, Salar ortalıqqa túrli oyqanlar (G.Dáwletova).
2. Bılǵasıq, aywan-jaywan.