NÁZER
Qaraqalpaqsha
at. Kewil, dıqqat.
Uǵıljan kempir... sus názerin tómen salıp, kózlerin súzip, qabaqların úyip, qartayǵan xalına qaramastan, ...izzet penen kútip aldı (A.Bekimbetov).
Kempirdiń názeri kóterińki, kelbeti qulpırıp ınıldap qosıq aytıp atır (K.Sultanov).
0 Názer awdarıw — kewil awdarıw, dıqqat bóliw.
Ayparsha-aw, usı sen ómirinde birewdi jaqsı kórip pe edin? — dep saldım, dım bilmegendey bóten jaqqa názer awdarıp turıp (G.Izimbetov).
Názerge alıw — a) kewilge alıw, dıqqat orayına alıw, oyǵa alıw.
b) bet alıw, baǵıt alıw.
Ol qarıq betti názerge alıp paxtanıń ishi menen júrip ketti (Ó.Xojanov).
«Xaw jer jutqan ba?» — tappadı, «Aybelgi»nin qumına názer aldı (T.Qayıpbergenov).
Názerde tutılıw — dıqqat orayında bolıw, kózde tutılıw.
Onday adamlardıń kemshiligi birinshi jaǵınan dúzetilsin degen maqset názerde tutılsa,... (T.Qayıpbergenov).
Názerde tuǵıw — maqsette tutıw, maqset etiw, qoyıw.
Urıstıń bolǵanlıǵınan pútkilley xabarsız ekenligin bildiriwdi názerde tutsa kerek (G.Esemuratov).
Názerin qaytarıw — ıqlasın qaytarıw, kewilin qaldırıw.
Qozımdı soyıp seni qondırmasam, názerińdi qaytarıp bolmas seniń (Ájiniyaz).
Názer etiw — baǵıt etiw, ser salıp qaraw.
Áyne namaz waqtında Qarajan aldına názer etip qarasa, at kekili órildi, abırayı qoldan berildi («Alpamıs»).
Názer salıw — dıqqat qoyıw, kewil bóliw.
Olar SHınıbiykenin kózqarasın ańlamaǵannan soń keyninde kiyatırǵan qızlar menen Arzıwǵa názer saldı (J.Aymurzaev).
Názer taslaw — kóz taslaw, qaraw.
Taw etegindegi awıldıń ústine názer tasladı («EQ» ǵ.).