NÍQ
Qaraqalpaqsha
kel. 1. Mıqtı, bekkem, berik.
2. Tıǵız, nıǵız.
Moynı kuyıp qoyǵanday, duǵıjım, nıq, eki iyni tep-teń, bulshıq etleri bólek-bólek, palwan tamırları siresken, gilt-gilt qozǵaladı (T.Qayıpbergenov).
f. Nıq basıw — jay, asıqpay, isenimli, berik basıw.
Siyrek saqallı, biyday reńli, kishkene qısıq kózli, sol omırawında bir nárse bar sıyaqlı ma, qalay, yaǵnıy jay basadı, jay bassa da nıq basadı (Ó.Ayjanov).
Nıq doslıq — shın, xaqıyqat, aynımas doslıq.
Seniń atıń — nıq doslıqtıń simvolı, Kumar etip tilge almas kim onı, Jaslayımnan jigerime bólengen, Júregimde atıń menen jır bolıp (T.Seytjanov).
Nıq muhabbat — shın, haqıyqat, berilgen muhabbat.
Nıq muhabbat júrekke Elbrustay ornasın (T.Seytjanov).
Nıq tolıw — tıǵızlanıw, nıǵızlanıw.
Nıq taslaw — jay, asıqpay nıq basıp júriw, Adımların nıq taslap júrdi.