NAMAZ
Qaraqalpaqsha
at. din. s. 1. Islam dinindegi dinshil adamnıń quday aldındaǵı kúnine bes waqıt ótetuǵın parızı.
Usı awılda mennen erte turıp namaz oqıytuǵın adam joq edi (T.Qayıpbergenov).
2. Islam dini dástúrinde ólgen adamdı jerlew aldında oqılatuǵın quran.
Namazına xalıq qalmay jıynaldı, Qaraqalpaq, qazaǵı da qıynaldı (Átesh).
0 Namazı qaza bolıw — namazdıń óz waqtında oqılmay qalıwı.
Namazı buzılıw — namaz oqılıp atırǵandaǵı basqa nárselerdiń tásiri tiyiwinen hám basqa nárse oylaǵannan namaz oqıy almaw, kesentlik, zıyanlıq.
Namazǵa jıǵılıw — namaz oqıy baslaw.
Musılmanshılıqta on eki jastan namazǵa jıǵılıw kerek deydi (M.Nızanov).
Bes waq namaz — hár kúngi oqılatuǵın bes túrli namaz.
Bes waq namazdan keyin Alladan seniń amanlıǵıń tileytuǵınım (M.Nızanov).
Hayıt namaz — hayıt bayramına baylanıslı kópshiliktiń qatnasıwı menen oqılatuǵın namaz.
Juma namaz — juma kúni jıynalısıp kópshiliktiń oqıytuǵın namazı.
Jınaza namaz — marxumdı qoyımshılıqqa alıp keterdegi oqılatuǵın namaz.