KÓSEM
Qaraqalpaqsha
at. 1. Hámmege, kópshilikke tanılǵan, kópshilik tárepinen moyınlanǵan ideyalıq, siyasiy basshı.
Kósemlerdiń súwretlerin aynaǵa qaplanǵan diywalǵa ilindi (T.Qayıpbergenov).
Esheyinde qol shoshaytıp sóylewge qorqatuǵın kósemlerimizdiń moynına endi tros ilinip, eskertkishleri alıp taslana basladı (M.Nızanov).
2. Urıw, qáwim basshıları.
«Ural»daǵı jigitler gruzin milletinen eken, óz xalqınıń kósemin qádirlep, mashinamnıń aynasına qıstırıp qoyǵan men, olarǵa tuwısqanınday kórinip ketken sekildi (T.Qayıpbergenov).
3. Jón-josıqtı biletuǵın, qıyın kıstawda aqıl tabatuǵın kisi, danıshpan.
Batır — jawdıń kósemi, sheshen — dawdıń kósemi (qq.x.e.)