KÓSEW I
Qaraqalpaqsha
at. 1. Janıp turǵan otındı yamasa janıp turǵan ottıń shoǵın iyterleytuǵın, qozǵap otıratuǵın temirden yaki aǵashtan islengen zat.
Tartıla qoyǵan jaǵdayda, bir sháynek yaki kese ushın, hátteki, bir jaǵı kúye aǵash kósew ushın bunday doslıq shart úziledi (T.Qayıpbergenov).
2. awıs. Qorlaw, masqaralaw.
Kósew qılıp qoyǵanı azday, xan elimizdi talatadı (T.Qayıpbergenov).
3. awıs. din. s. a) alǵıs, jaqsı tilek bildiriw.
b) qarǵıs, jaman tilek bildiriw.
Kósewi kógermegir, bunsha bizlerge qastın tiygen eken ǵoy,.. (Ó.Ayjanov).
4. awıs. Qozǵawshı, iytermelewshi.
Házir de solay.
Kósewi biziki, qızǵını Abılqayırdıń adamlarıniki.
SHúkir, júdá jaqsı oy saldıńız (T.Qayıpbergenov)