KÓRSETKISH
Qaraqalpaqsha
at. 1. Belgili bir ónimniń muǵdarı, tabıstıń mólsheri, shaması, jetiskenliktiń, jumıstıń dárejesin kórsetetuǵın ulıwma nátiyje.
Jańa usıldıń texnikalıq hám ekonomikalıq kórsetkishi analizlengen eki betten ibarat qosımsha menen birge usınıs etiledi (M.Nızanov).
2. Aldın ala belgilengen bir tabıstıń orınlanıwı tiyisli mólsheri, muǵdarı.
Ilajsızdan sońǵı jılları elimizde oqıtıwshılar hám muǵallimlerdiń abırayın kóteriw, olarǵa ózleriniń tiykarǵı jumıslarınan tısqarı wazıypalar júkleniwiniń aldın alıw, baslawısh klass oqıwshıların keytering usılında awqatlandırıw sistemasın shólkemlestiriw, pitkeriwshi klass oqıwshılarınıń joqarı oqıw ornına kiriw kórsetkishleri, sabaqlıqlardı basıp shıǵarıw baǵdarındaǵı júzege kelip atırǵan kemshilikler sınǵa alındı («EQ» g.).
3. Mólsher (ólshem) dárejesin bildiretuǵın ásbap, qural.
4. Baǵdarlawshı, baslawshı, alıp barıwshı.
Usı shınar jol kórsetkish juldızday, Adastırmay turdı talay kárwandı (I.YUsupov).
5. Belgi, tańba, siltew, nıshan, baǵdar beriwshi.
Traktorımnıń aldına kórsetkish qarawıl ornattım (K.Sultanov).
kórsetkish taqtay qoyılǵan jerge qaray jol basladı (J.Seytnazarov).
SHańaraqtı saqlap qalıw hám kúyewdi kerekli qádde uslap turıw, onı qızıqtırıp turıw ushın náziklik kerek.
Bunda soray biliw — eń tiykarǵı kórsetkish sanaladı («Saza» j.).
6. mat.
Belgili bir sannıń qanday dárejege kóteriliwin kórsetetuǵın tsifr yamasa belgi