KÓLIK
Qaraqalpaqsha
at. 1. Burınları úy haywanların da (eshek, ógiz, jılqı, ǵashır, túye hám t.b.) jol qatnas quralı retinde «kólik» dep ataǵan.
... kólik tapqan kóshedi, kólik tappaǵan jurtta qaladı degen dawırıq sózler shıqtı (Q.Ayımbetov).
Baba atqa minip, kólik tapqan kisidey quwanıp, awılına qarap at saldı («Máspatsha»).
2. Jolawshılardı bir jerden ekinshi jerǵe jetkeretuǵın transport (velosiped, motońikl, moped, kater, barja, mashina, traktor, samolyot hám t.b.).
Motońikl degen úlken kólik ǵoy, onın nesin aytasań, — dedi olar ǵawırlasıp (Q.Ayımbetov).
Arasında ana emlewxanadan mına emlewxanaǵa medikament aparıw, rayonlardaǵı qattı bolıp qalǵan nawqaslarǵa «tez járdem» xızmetin kórsetiw, kullası, universal kólik boldı.
Áne, sonda bilindi bul mashınlardıń ázziligi (M.Nızanov).