KÓBIK
Qaraqalpaqsha
at. 1. Suwdıń yamasa basqa da suyıqlıq zatlar shayqalǵanda, qaynaǵanda kópirip júzine shıǵatuǵın jeńil nárse.
Kók-kómbek duzlı suwdıń kóbigi appaq bolıp, anaday jerge shekem taramay kem-kem nen uzaq qala berdi (N.Dáwkaraev).
2. Janlı-janıwarlardıń qattı júriwinen, shabısınan payda bolıp, denesinen shıǵatuǵın ter, suyıq zat.
Astındaǵı Májnún at, Omırawdan kóbik shashadı («Máspatsha»).
Bedewdey qurıqgan qashqan, Omırawdan kóbik shashqan (I.YUsupov).
3. Haywanattıń janlı-janıwarlardıń awzınan kópirip shıǵatuǵın silekey, suyıqlıq zat.
Kóbik awız — Eziwi jırtılǵansha atlardıń jılawın tarttı, biraq atlar eziwiniń jırtılǵanına qayıl-dá, sal eglengenge qayıl emestey, moyınların barınsha sozıp, tumsıǵı menen jer súzerliktey dárejede basların tómen salıp, tanawları jelbirep, awzılarınan kóbik shashıp, doynaqtı barınsha taslap baratır, jániwarlar! (Q.Matmuratov).
Bunday bop tayaq tiymegen, At awzınan kóbik aqtı (Berdaq).
0 Kóbik shashıw — birewdiń kóp sóylewi, mıjıwı mıljıń sóz.
Ol keshke deyin awzınan úzliksiz kóbik shashıp, sóyledi de otırdı (A.Bekimbetov).
Aq kóbik — suyıqlıqtıń yamasa xaywanat hám janlı-janıwarlardıń tez qattı terdiń sırtqa kópirip shıǵıwı.
Tawday tolqın, Teńiz beti aq kóbik (J.Aymurzaev).
Akdárya nege atandıń, Aq kóbikpedi tolqınıń? (K.Sultanov).
Gúmis kóbik — awıs, aq kóbik, teńiz betindegi tolqındanıp shıqqan jıltır jeńil kópirik, Er SHamurat ataydıń, Ǵarrıların sepse shigit.
Gúmis kóbik aq teńizdey, Paxta berer oy hám qırıń (I.YUsupov).