KÓBEYTIW
Qaraqalpaqsha
f. 1. Bir sandı berilgen kóbeytkish kansha bolsa, sonsha ret qaytalap qosıwdı talap etetuǵın arifmetikalıq tórt ámeldiń biri.
... eki sannıń arasına kóbeytiw belgisin qoyıw kerek ekenligin esten shıǵarmańlar, — dedi ol («Jetkinshek» g.).
2. Belgili bir sandı berilgen kóbeytkish qansha bolsa, sonsha ret eselew.... sonday-aq, tergew barısında úsh ay qamaqta otırǵanı ushın aylıǵın úsh ese kóbeytilgen muǵdarda marxumlardıń aǵayin-tuwǵanlarınan óndirip beriwinizdi sorayman (M.Nızanov).
3. Bir nárseniń sanın, sapasın, muǵdarın arttırıw, molaytıw, nobay etiw.
Mazalı miywe qanındı kóbeytedi hám tez arada jazılıp keteseń, — dedi (Ó.Ayjanov).
Hesh kaysısı óz betinshe kete almaydı, kóbisi «Xan awılı» atanǵanına masayrap, ózi kimligin umıtadı, kúndiz-túni xan malın kóbeytiwdiń mashqalasında boladı, xannan mal kóbeytiwdiń, shikarǵa shıǵıwdın sırların úyrenip, keń óris iyelep atırǵanları da az emes (T.Qayıpbergenov).
4. Arttırıw, molaytıw, asırıw.
Olar Dosnazarovtı «milliy shegaralardı sheshiw máselesinde jeterli bilimge iye emes» dep ráwiyat shıǵarıp, onıń átirapında ósek sózlerdi kóbeytip jiberdi (A.Sultanov).