KÚYDIRGI
Qaraqalpaqsha
at. 1. Deneni qattı awırtıp, qızdırıp shıǵatuǵın júdá zıyanlı irińli jara.
Onıń ústine, betine kúydirgi jara shıqtı (K.Sultanov).
2. awıs. Jandı jegidey jeytuǵın awır uwayım, ókinish, qayǵı.
Bunıń ústine dárt jamalıp, bul da kúydirgi bolıp óte shıqtı.
0 Tiline kúydirgi shıǵıw — tili ashshı adamlarǵa qarata aytılatuǵın sóz, garǵıs (jaman sóz aytqanı ushın tiline kúydirgi jara shıǵıwın tilewden payda bolǵan ǵarǵıs).
Tiline kúydirgi shıqqanday sóyleydi bádbaq (Ó.Ayjanov).
Elim endi kóshpegey, kóshsin degenlerdiń tiline kúydirgi shıqsın... (T.Qayıpbergenov).
Kúydirgi sóz — awır tiyetuǵın jaman sóz.
Bilmeymen kúydirgi sózdi qaydan tabatuǵının, — dedi kempir.
Kúydirgi oy — awır, qattı tiyetuǵın oy.
Kúydirgi oy onı shıdatpaǵanday tınıshsızlandırdı (qq.kem.atl.).
Kúydirgi minez — birden ashıwlanıp, biymaza qılıp mazanı alatuǵın minez.
3. awıs. Kúydirgi — biymaza, tártipsiz, qulaqsız adam.