KIYIK
Qaraqalpaqsha
at. Qos múyizli, asha tuyaqlı, qumlıqta, shólistanda, ulıwma dúzde jasaytuǵın, sút emiziwshiler semyasına kiretuǵın juwas taw eshkisiniń bir túri.
Meniń ózim kiyik bolsam, Qara tawdan biyik bolsam (qq.x.q.).
Atım Tilep, kiyik awlap júrip-em, Túnge qalıp attı ertlep turıp-em (I.YUsupov).
SHayırlıq bir asa júyrik, Qırda qulan xám de kiyik (Átesh).
0 Kiyik múyiz — kiyiktiń múyizine usaǵan.
Kiyik múyizli qızıl sıyır awılǵa qaray bet aldı, ... (Q.Ayımbetov).
Kiyiktiń asıǵınday — shımırı, ıqsham, kishkene.
Kiyiktiń asıǵınday qaynap pisken eken, ... (Q.Ayımbetov).