KEPIN
Qaraqalpaqsha
at. 1. Ólgen kisige jerlew aldında denesine kiygiziletuǵın aq súpten islenip tigiletuǵın arnawlı kiyim.
Ası-kepini ushın bóz benen batpanday júweri sorap jılap kelgen kempirine tilxat arkalı berdi (A.Bekimbetov).
2. awıs. Kiyetuǵın kiyim, úst kiyim.
Aq kirewkem sawıtım, Ísqatım dep kiygenmen, Ústimdegi aq kóylek, Kepinim dep kiygenmen («Qoblan»).
0 Kepin tonın pishiw — a) óliniń kiyimin piship tigiw.
Ájel sharabın ishedi, Kepin tonın pishedi («Máspatsha»).
b) istiń aldın ala jobasın islew, jolın islew, joybarlaw.
Jurtıńdı bermeseń jannan keshińiz, Xanım kepinińizdi óziń pishińiz («Er Ziywar»).