KEBIW
Qaraqalpaqsha
f. 1. Sorıǵıw, kurǵaw, kewiw.
Patshanıń ústi kewipti, analardıń ústi ılay-ılay bolıp sirá keppeydi (qq.x.e.).
2. Bir zattıń kúnge yamasa otqa qaqlanıp kebiwi, kewik, kuwraq, kuw, kurǵaq, kebiw.
Bunda turıp ne payda, Kúnge kuwrap kepseńiz (I.YUsupov).
Qarabaraq degeniń, Kepken bolar háwjar (qq.x.q.).
3. awıs. Semiw, burınǵı qáddinen azıw.
Xojam, iserseń, keberseń, Óz dáuletińe teberseń (Berdaq).
0 Ishi kebiw — ishi qampayıw, kómpeyiw, jellesiw.
Qaynagan suw isherseń ishiń kepse, SHigin orar salı emes shigin sepse (Ájiniyaz).
Awzı kebiw — shóllew, suwsıraw.
Atajannıń kepken awzındaǵı tili sóylewge zorǵa aylandı (A.Bekimbetov).
Qarnı kebiw — ishi jellesiw.
Qarnıń kewip jatsa mestey, Jaman tuwısqan qaramas (Berdaq).
Tamaǵı kebiw — awzı kebiw, suwsıraw.
Jáne ashtan isken qası-qabaǵı, Qanı qashıp shólden kepken tamaǵı (A.Dabılov).
Kegirdegi kebiw — kóp sóylegenlikten, sharshaǵanlıqtan shóllewi.
Ózinikin maqullap, kegirdegi kepkenshe aytısadı (T.Qayıpbergenov).
Tańlayı kebiw — qattı shóllew, suwsıraw.
Bul bergenin azsınıp, Tańlayları kebedi («Qırq qız»).