KARTINA
Qaraqalpaqsha
at. 1. Xudojniktiń tereń oyların, tásirlerin haqıyqatlıq penen súwretleytuǵın, túrli boyaw menen salınǵan súwret ónerine tán shıǵarma.
Áne, men bunday kartinanı kórip otırıp, ómir boyıma keshire almadım (G.Esemuratova).
2. Kinofilm.
Bir kúni Jiyemurat ekewimiz tashawızlı joralarımız benen jańa qoyılıp kórsetilip atırǵan kartinanı kóriw ushın kinoteatrǵa bardıq (A.Bekimbetov).
3. awıs. Ádebiy shıǵarmalarda bayan etilgen tábiyat kórinisleri menen qaxramanlardıń súwreti, xádiyseniń súwretleniwi, berilgen, bayanlanǵan obraz.
Qaraqalpaq folklorında kóshpeli sharwashılıq turmıstıń kartinaları bar,... (N.Dáwqaraev).
Ol óz poeziyasında zaman jaǵdayınıń shınlıq kartinasın sheber bayanlap kórsete bilgen (Q.Ayımbetov).
4. Dramalıq shıǵarmalardaǵı aktlerdiń shaqapshaları, bólimsheleri.
Baǵdagúl (Bes aktli, altı kartinalı drama).
1-kartina — Maydanda boladı (S.Májitov).