IYMAN
Qaraqalpaqsha
at.din. 1. Islam dinine muwapıq musılmanshılıqqa tán bolǵan bes parızdıń biri, qudaydı birew dep tanıw.
Qartayǵanda ótirik sóylep, iymanımnan ayrılǵım kelmeydi (Á.SHamuratov).
2. Diniy túsinik boyınsha musılmanlarda bolatuǵın unamlı qásiyet.
Tuwrı biyde tuwǵan joq, Tuwǵanlı biyde iyman joq (qq.x.n.m.).
Awıldaǵı ǵárip-qáserge, jetim-jesirge qolǵabıs tiygiziwden bas tartpaytuǵın adamdı xalıq túsinigi boyınsha iymanıń nıshanı dep biledi.
3. Isenim, hújdan.
Ótirikshiniń bolmas antı-iymanı (Ájiniyaz).
0 Iyman júzli — uyatı bar, ar-namıslı.
Iyman júzli hayalım ólim xalında jatır edi (T.Qayıpbergenov).
Iymanın aytıw — iymanın úyiriw, qaytıs bolatuǵın kisige jan tapsırar aldında musılman dininiń tártibi boyınsha belgili hayat oqıw.
Bul dártine hesh bir dawa tabılmas, ólip keter aytıp xalıq iymanın (T.Jumamuratov).
Iyman degenniń qáytip oqılatuǵının bilsem sirá (M.Nızanov).
Onısız óliniń iymanı ushın quran oqımaydı (K.Sultanov).