JOL
Qaraqalpaqsha
at. 1. Bir orınnan ekinshi orınǵa qatnaw ushın arnalǵan júriw ornı.
Tas jol.
2. Sózlerdiń baspa yamasa jazba túrindegi katarı.
3. Baǵıt, ideya.
4. Sapar etiwshilik, sayaxat.
Jol azabı — gór azabı (qq.x.n.).
5. Ret, gezek, náwbet.
Ǵarrı toqsanǵa shıǵıp balalarınıń aldında óz jolı menen ketti.
6. SHama, jaǵday, kúsh, hál.
Otıratuǵın ornıńdı bil, Júretuǵın jolıńdı bil (qq.x.n.).
7. Usıl, hámel, tásil, xiyle.
Endigi jalǵız jol — tek Temirbekti jiberip alıw ǵana boldı.
0 Jolı bolıw — niyeti orınlanıw, isi ońǵarılıw.
Jolı bolǵan jigittiń jeńgesi shıǵar aldınan (qq.x.n.).
Jol bolsın soraw — qay jaqqa baratırǵanın, kiyatırǵanın sorastırıp biliw.
Jol bolsın aytıw — haq jol tilew.
Bir nárseni jolǵa qoyıw (salıw) — tártiplestiriw, dúzew.
Jol qoyıw — bir kemshiliktiń bolıwına múmkinshilik, jaǵday tuwǵızıw.
Jol ashıw — baslap beriw, úlgi kórsetiw.
Jol tartıw — bir jaqqa jónep ketiw, jollanıw.
Jol taslaw — aldaw, biykar aytıw.
Jol tosıw — birewlerdi talaw ushın jolǵa shıǵıp andıp turıw, kútiw.
Jol azabın shegiw — jol júriw, jol qıyınshılıǵın kóriw.
Joldan shıǵıw — a) qátelik islew, qılmıs etiw; b) adasıw, aljasıw, jańılısıw.
ar.
Mártebe, ret, sapar.
Kulmurat bolıs ǵázebin tigip, SHeriptiń awılınan bir jılda eki jola salǵırt aldırıp otırdı (Q. Irmanov).