EII
Qaraqalpaqsha
k.s. Tiyqarǵı mánili sózden bolǵan bayanlawıshtı turaqtı etip, oǵan ótken máhállik máni beriw ushın yamasa bayanlawıshtıń mazmunın túrlendiriw ushın jumsalatıǵın kómekshi sóz, atawısh, hal feyil sózlerden jasalǵan bayanlawıshlarǵa da ótken máhállik máni berip, olardıń bayanlawıshlıq xızmetin kúsheytip anıqdaytıǵın kómekshi feyillerdiń biri — e, buǵan betlew jalǵawları da jalǵana beredi.
Máselen, edi, edik, eken, eoim, emey, emes hám t.b.
usı sıyaqdılar atawısh hal feyil sózlerdiń keynine qosılıp, dizbeklesip kelip, kómekshi feyillik wazıypanı atqarıp keledi.
Armiyaǵa sońǵı rette jigitlerdiń kóbisi ketken edi (T.Qayıpbergenov).
Ash bolıp ta tur edik, jep alayıq (K.Sultanov).
Eski tariyx erte tuwǵan el ediń, Qaytadan jańarıp kúldiń, Qońırat (I.YUsupov).
Úlkenligi tabaldırıqtay, gúmistey jarqıraǵan, gil aq marqanı uslaǵan edik (K.Sultanov).
Topar-topar maldan maǵan payda joq, Perzent eken adamzattıń miywesi («Máspatsha»).
Ol zamanlarda tústi kim bolsa soǵan jorıta bermeydi eken (qqx.e.).
Bunıń urǵanı óziniń ósh alatıǵın adamı emes, basqa bir bala eken (Q.Ayımbetov).
YA sabaq tayarlaǵan emes, ya jumıs islegen emes (T.Qayıpbergenov).
Jawısh menen dawıl tınar emes (N.Dáwqaraev).
Bul oy emey ne? (J.Aymurzaev).
...bul kúneltiw emey ne?... (Ó.Xojaniyazov).