ETIK
Qaraqalpaqsha
at. Hár túrli teriden, bılǵarıdan, sherimnen, rezinadan hám de taǵı basqa materiallardan ielengen ayaq kiyim.
Ayaqqa etik kiyedi, Kózi ottay jaynaydı («Qırq qız»).
Siresip qatıp qalǵan sherim etiklerin sheship (A.Áliev).
Er basına kún tuwsa etigi menen suw kesher, At basına kún tuwsa, suwlıǵı menen suw isher (qq.x.n.m.).
0 Aq pushta etik — iylenip, júni alınǵan, hesh qanday túrin ózgertpesten aqlay túrindegi sherimnen ushı joqarı kóterilip tigilgen aq etik.
Ayaqqa almadıń bir aq pushta etik, Bul dúnyaǵa shıqqan menen ne payda (Omar).
Báykemi etik — qızıl bılǵarıdan tigilgen etik.
Ayaǵında gónergen báykemi etigi bar jigit úyge kirip keldi (Q.Aralbaev).
Eki ayaǵın bir etikke tıǵıw — qısıw, májbúrlew, zorlaw, zorlıq qılıw, janın shıǵarıw, janına tiyiw.
Moskva túbinde bolǵan sawashta Panfilovshılar diviziyası nemeń basqınshılarınıń eki ayaǵın bir etikke tıqtı («EQ» g.).