DÓNIW
Qaraqalpaqsha
f. 1. Hár túrli reńge, túrge aylanıw.
Kókózek jerleri ónim bergendey, Báhár bolsa dóner monshaq dizgendey (Ótesh).
2. awıs. Topshıw, dápiniw, umtılıw.
Aǵa sen bir at minipseń, Dushpan ústine dónipseń (A.Dabılov).
3. awıs. Aylanıw, ózgeriw.
Seyit ata murtın sıypap kúldi bir, Ǵarrılıǵı jaslıq kúshke dóngendey (T.Seytjanov).
4. awıs. Túrleniw, aynıw, ózgeriw.
Hárkim dónse lebizinen, Húkiminde bolar kápirdiń («Alpamıs»).
0 Dónik shapan — jıltıraq gezlemeden tigilgen shapan.
Dónik shapan hám de silikpe shógirme, Aq pushta etik hám belbewi túrme («Ótesh batır»).