DÚR

Qaraqalpaqsha

at. 1. Qımbat baqalı qasıl tas, qinji. Kópler árman etken dúr, gáwhar emes, Onıń bir baǵıwı, meqri-keregim (P.Mırzabaeva). 2. awıs. Bir nárseniń eń qasılı, saylandısı, jaqsısı. Sen biybaqa gáuqar, dúr, marjan ediń, Kózi jawdıraǵan bir jeyran ediń (P.Mırzabaeva). 3. awıs. poet. Baqalı, mazmunlı, tereń mánili sóz yamasa qosıq. Oylanıp bilip babalar, Sózdi dúrge teńgergen (QQ.X.N.M.). 4. Nátiyje, sulıw sóylew, búlbildey sayraw. SHar kitaptan sawat ashtım, Nawayıdan dúrler shashtım (Berdaq).