DÚZIW II
Qaraqalpaqsha
kel. 1. Kemshiligi, jaman jeri joq, durıs, kewildegidey.
Dúziw jup.
Qıysıq adam dúziw joldı izlemes, Dúziw adam qıysıq joldı gózlemes (qq.x.n.m.).
2. Buzılǵan jeri joq, islep turǵan hám isley alatuǵın.
Motor dúziw islep tur.
3. Qıysıq emes, aylanısh emes, tuwrı, tuppa-tuwrı.
Dúziw tayaq.
Dúziw jol.
Toǵayday turmıstan izler dúziw jol, Qıyal dáryasında eskeksiz ıǵıp (K.Raxmanov).
4. Qaǵıydası menen, durıs, jaqsılap.
Dúziw sóylew.
Jaqsılar kóp kelip dawdı sheshedi, Dúziw bolsa sóziń tas ta kesedi (D.Aytjanova).
5. Durıs, anıq, xaq, sanalı.
Esiń dúziw ǵoy, inim, keregindi ayta ber (T.Qayıpbergenov).