DOS
Qaraqalpaqsha
at. 1. Kózqarastarı, is-háreketi, oylawı jaqın bolǵan, tatıwlıq, awızbirshilik penen baylanısqan eki yamasa onnan artıq insanlardıń ár biri.
Qádirden dos.
Opadar dos.
Dos dosqa qol berse, arasınan qıl ótpes (qq.x.n.m.).
SHın dostıń qóbirińe shekem barar, jaman dos bir qarar da qalar (qq.x.n.m.).
2. Jaqın, tanıs.
Xalqıń bar azamat, dos ám mehriban, Erkin jaynap-jasnap máńgi bol aman (I.YUsupov).
3. Qanday da bir nárseniń yamasa birewdiń tárepdarı, sonıń qorǵawshısı.
Tazalıq, tártip sizge dos, Esińde bolsın balalar (X.Turımbetov).
Ashıw-dushpan, aqıl-dos (qq.x.n.m.).
4. awıs. Ǵamxorshı.
Dos balasın jılatpaǵan, Ádil erler maǵan kerek (Berdaq).
5. awıs. Ruxi azıq.
Kitap — adamǵa dos.
Bilimli menen dos bolsań, Albıraǵanda aqıl berer (qq.x.n.m.).
6. Qaratıw, qatnas jasaw maqsetinde.
Kúnshıǵısqa sapar shekken azamat, Asıq dostım, biziń jaqqa jetiwge (I.YUsupov).
0 Dostıńnan tap — Dostı, jaqın adamı qanday da bir jamandıq islegende aytıladı.
Jan dos — Janın da ayamaytuǵın, naǵız, shın dos.
Jan dostıń janınan keshse de, Mal dostıń malınan keshpes (qq.x.n.m.).