DAWAM
Qaraqalpaqsha
(arab.
— uzaqqa sozılıw, uzaq muddetlilik, dawamıylıq).
1. Qanday da bir nárseniń háreket, xádiyse, waqıya t.b.lardıń úzliksiz protsessi, barısı.
Dawam etiw.
Tur ornıńnan, saparıńdı dawam et, ele kún uzaq... jollar onnan da uzaq... (K.Raxmanov).
a) Bir nárseni úzliksiz orınlaw.
Ǵapıl bolma yad et Haqnı ewbxı-sham, Haqnın zikri menen bolǵaysań dawam (Ájiniyaz).
b) Málim waqıtqa deyin sozılıw.
Bul halat taǵı dawam ete berse, SHerniyazdıń dinkesi kurıp turǵan jerde kulap túsiwine shubxa joq (K.Raxmanov).
2. Toqtatılǵan is-háreket, hádiyse, waqıya t.b.lardıń (taǵı dawam etiwi lazım yaki múmkin bolǵan) bólegi.
Gúrrińniń dawamı.
3. Bir nárseniń málim jerinen keyingi bólegi, izi.
Joldıń dawamı.
4. lingv.
Dawamlı is-háreketti anlatıwshı feyil.