GÚLLI I
Qaraqalpaqsha
kel. 1. Gúli kóp, gúli mol.
Kózlerime gúlli álem jánnet kórindi (SH.Xalmuratova).
2. Gúl salınǵan, gúl naǵısı oyılǵan.
...Altı qarıs gúlli sarı samar tolı gósh tartıldı (Q.Sultanov).
Aman-saw otırsızlar ma, kelin? - dep Ulperi jumsaq gúlli kórpesheniń ústine shıǵıp otırdı (K.Raxmanov).
3. Gúl egilgen, ósirilgen maydansha, maydanlıq.
O, kımbatlım, Bahash! Sondaǵı qarlı qıs, sáwir samallı, gúlli báxár, jáziyrama jaz, altın gúz qanday ózgeshe, qanday tatlı edi! (E.Ótepbergenov).