GIREW
Qaraqalpaqsha
at. 1. Qanday da bir nárseniń, is-qárekettiń bolıw yamasa bolmawı ushın keltiriletuǵın dálili, gúwası, tiykarı.
Jarlınıń júdep sasqanı, Jalǵızın qoyar girewge (kq.x.n.m.).
Tazalıq — densawlıqtın girewi.
2. Janın pidá etiw.
Oq atılsa birewge, Janın qoyar girewge (I.YUsupov).
Óz namısın tigip qoyıp girewge, Jetip barsa súrnikkendi súyewge... (A.Dawıshbaev).
3. Nur.
Uzaq jolǵa ketken bolsa birewi, Jılay-jılay keter kózdiń girewi («Qırq qız»).
4. Kepillik.
— Keyin bizler Tilepbaydı girewge qaldırıp, xázir qalǵanın tawıp kelemiz dedik te, shıǵıp kettik-ǵo (T.Qayıpbergenov).
0 Girew tartıw — Gúńgirtleniw, kóriwi páseyiw, girewli bolıw, soqır bolıw, kózden qalıw, kózli bolıw.
Jarıq dúnya kórmey boldım ármanda, Jasımnan girewli boldılar kózim (Berdaq).
5. Qáde-qáumetke baylanıslı úrp-ádet.
Aqshalay da, zatlay da, mal menen de berile beredi.
Birew jay salsa, úy tikse, qayıq satıp alsa da girew aparıla beredi.
Geyde girewqáde dep te ataydı.