GALVANOTEXNIKA
Qaraqalpaqsha
at. Ámeliy elektroximiyanıń bir tarawı; metall hám metall emes zatlar sırtına elektrolitikalıq usılda metall qaplaw protsesi.
Eki túri: galvanostegiya — buyım sırtında bekkem juqa metall qaplama payda etiw; galvanoplastika — túrli buyımlar (matrińalardan) qalıń anıq nuska kóshiriwde qollanıladı.
Galvanostegiya avtomobil sanaatı, aviatsiya, radiotexnika, elektronika sanaatında, úy buyımların islep shıǵarıw h.b tarawlarda keń qollanıladı.
Galvanoplastika baspa tarawda, gramplastinka matrińaları, elektrometallurgiya hám texnikanıń basqa tarawlarında keń paydalanıladı.