BÓLISIW
Qaraqalpaqsha
f. 1. Paylasıw, úlesiw.
Awıl adamları jıynalıp jayındı bólisip aladı (qq.x.e.).
Tabaq tolı palawdı bólisip jewleri kerek ǵoy (Q.Ayımbetov).
2. Ortaqlasıw, sheriklesiw, birgelesiw.
Serjan óz quwanıshın Ámet penen bóliskisi keldi (T.Qayıpbergenov).
0 Teń bólisiw — jarıma-jarı, teńbe-teń, teppe-teń.
...muxabbattıń salmaǵın súyiklisi menen teń bólisiwi kerek (G.Esemuratov).
Sır bólisiw — qupıya sırdı jarılasıw, ortaqlasıw.
Balalar menen sırlasıp, sır bólisti, Ata, bala bawırlasıp enisti (A.Dabılov).
Tájiriybeni bólisiw - ortaqlasıw, sheriklesiw, birgelesiw.
Ol balalar menen bunnan aldın sóylesip birdey tájiriybesin bólisip júredi (G.Esemuratov).
Oyların bólisiw — pikirine ortaqlasıw, sheriklesiw.
...alǵannan son da keleshek tuwralı oyların bólisedi (G.Esemuratov).