BÓLINIW
Qaraqalpaqsha
f. Tutas nárseniń ekige yamasa bir neshege taralıwı, bólshekleniwi, toparlasıwı.
Jolbarıs eki bólinip awdarılıp túsedi (qq.x.e.).
Tórt bólinip on-onnan, jaw bolıp baǵqa tiyedi («Qırq qız»).
2. SHaqaplanıw, ayırılıw.
Tolıqsıp aqqan suw báhárde, jazda kenarına sıymay, eki jaǵasınan asırılıp aǵıp, tarmaq-tarmaq bir neshe ózeklerge bólinedi (K.Sultanov).
3. Toqtalıw, irkiliw, toqtap qalıw, burılıw.
Sóz kesildi, bólindi dıqqat, Ekewi de turdı jıldam (I.YUsupov).
Biraq, miyi pútin, oyı basqa jaqlarǵa bólinbekte (Ó.Ayjanov).
0 Uyqısı bóliniw — oyanıw, túrgeliw.
Ol SHolpannıń uyqısı bólingenin onıń eki qabatlıǵınan ǵoy dep qaladı (G.Esemuratov).
SHek bóliniw — hár bir adamǵa ayırıp bólip beriw, payın beriw.
Qıdırǵa qaraǵanda Aqılbek uqıplı hám shaqqan, shek bóliniwden tek oyıp ketti de, Qıdır dánde qalıp qoydı (S.Xojaniyazov).
Qaq bóliniw - eki jaqqa ayırılıw, bólinip túsiw.
Qaq bólinip gellesi, Eki kózi parta shıǵadı («Qırq qız»).