BÓLEK II
Qaraqalpaqsha
kel. 1. Dara, jeke, ońasha.
Stakanlarǵa quyılıp hár kimniń aldı-aldına bólek qoyıldı (J.Aymurzaev).
2. Ózgeshe, ayrıqsha.
Bul bayramnıń basqa bayramlardan bólek qásiyeti bar (gazetadan).
3. SHetkeri, shetirek, bólegirek.
Kelgen bále jaman elińnen bólek, Mısalı ústińe jıǵılǵan terek (Ájiniyaz).
0 Bir bólek - pútin bir tutas nárseniń bir bólegi, toparı.
Áskerdiń arasında ǵawǵa tuwıp, bir bólegi sol zamanı qashıp ketedi (qq.x.e.).
Bir keshe jatır em kórdim bir awhal, Bir bólek basları jıǵalı keldi (qq.x.e.).
Bólek-bólek, dara-dara, jeke-jeke, ońasha.
Arqadan jawǵan qardayın, Bólek-bólek qaladı («Máspatsha»).
Kókten ushqan bólek-bólek tırnalar, Xabarın ber biziń eller aman ba? (qq.x.q.).
Hár bólek - ayırım-ayırım, dara-dara.
Oqıdı, ildi zeyini, YAdlandı hár bir, hár bólek (B.Qayıpnazarov).
Bóp-bólek - ayırım, ózgeshe, ayrıqsha.
Qıyalındı tartadı biraq, Siyrek ushqan túngi samolyot, Júregindi oraǵan shırmap, Bir qıyaldıń ornı bóp-bólek (T.Seytjanov).
Bólek-salaq — qaldıq, mayda, qıyqım, qıyındı, awısıq, mayda-shúyde, bólim-bólim.
Dárya abırjı bólek-salaq suwlar da ya qatqan emes, ya qatpaǵan emes, SHayıqnazar qajınıń kózindey suwlasıp jattı (N.Bórekeshov).