BÚKIR
Qaraqalpaqsha
kel. 1. Omırtqa yaki kókirek kletkasınıń qıysayıp ósiwi aqıbetinde payda bolatuǵın tompaq, búkir jer.
Arqası bolsa da búkir, Halın bilip etpes shúkir, Ishi qara tolǵan pikir, Ardaqlaydı bay balası (Kúnxoja).
«YAbbar» dep jawırınındaǵı búkiri burınǵıdan da beter gújireyiwi menen básip ózin toplımǵa urıp edi (Q.Mátmuratov).
2. Sonday illeti, nuqsanı bolǵan adam.
Búkir adam.
Qunısh.
Hasasın tayanǵan búkir Atajan bay da usı jerde (T.Qayıpbergenov).