BYULLETEN
Qaraqalpaqsha
1. Siyasiy-jámiyetlik áhmiyetke iye waqıya, másele, islerdiń qısqa rásmiy xabarı, bayandaması.
Syezddiń byulleteni ayırıp qoyıldı,... (gazetadan).
2. Jámiyet hám shálkemlerdiń turaqlı (periodlıq) informatsiyalıq baspasınıń ataması.
Bul material óz aldına ayırım byulleten bolıp shıqtı (gazetadan).
3. Saylawda dawıs beriw qaǵazı.
Onda saylawǵa usınılǵan talaban yaki talabanlardıń familiyası, atı kórsetiledi.
Saylaw byulleteni.
Byulletendi saylaw qutısına taslaw.
Saylaw uchastkasına barıp xár bir adam byulleten qaǵazın salıw wazıypası (gazetadan).
Deputattı shaqırıp alıw boyınsha jasırın dawıs beriw byulleteninde onıń familiyası, atı, ákesiniń atı, tuwılǵan sánesi, lawazımı (jumıs túri) kórsetiledi (gazetadan).
4. med.
Kesellikke baylanıslı miynetke, jumısqa jaramsızdıǵı qaqqında beriletuǵın qaǵaz.
Byulleten alıw.
Byulleten boyınsha pul tólew.
Ol byulletenin jaqında ǵana tapsırdı (Ó.Ayjanov).
Sol saparı SHamurat ótirik byulleten ashtırıp barmay qalǵanda, sóz joq men birinshi bolatuǵın edim (M.Nızanov).