BUǴÍNÍQ
Qaraqalpaqsha
f. Túyiniw, baylastırıw, túyinshikleniw, belge belbew baylaw.
Tuwmay ketkir tuwıldı, Beline sadaq buǵındı («Máspatsha»).
Belin bekkem buǵınıp, Taǵı da qúshin jıynadı («Qırq qız»).
0 Buǵınıp-túyiniw - tayın turıw, taq turıw hámme zattı baylastırıp tayın turıw, tayar bolıw.
Buǵınıp-túyinip atırǵan baqqaldıń ústine aq sálleli, qapa saqallı Múptilla iyshan keldi (N.Bórekeshov).