BURÍW
Qaraqalpaqsha
f. 1. Baǵıtın ózgertiw, awmastırıw, bet aldın ózgertiw, baǵıt burıw.
... attıń basın gúzar joldan dáryanıń jaǵasına burdı (K.Sultanov).
- Onda júr, óziń, - dep Qudiyar atınıń jılawın qaǵıp, basın awılǵa burdı (K.Sultanov).
Qayıqtıń basın burıp, ıqqa basladı (A.Begimov).
2. Bolısıw, jaqlaw, kuwatlaw, járdemlesiw.
Buzılǵan soń óristegi úyiriń, Tuwısqanǵa burıp tur-aw búyirim (Kúnxoja).
Meniń tógilgen kóz jasıma bawırman burǵanına kewlimnin eljiregenine barlıq xalıq tań qaldı (J.Aymurzaev).
3. Haqıyqatlıqtı aytpaw, házilge aylandırıw, dálkek etiw, durısın aytpaw.
SHaqalaq atın kúlip jiberip, shının aytpay sózin basqa jaqqa buradı (J.Aymurzaev).
Qámekbaydıń ózine kewil awdarǵanın bilgen Karamatdin túlkidey sózdi basqa jaqqa burdı (J.Aymurzaev).
4. Aylanba, aylanısh, dıǵırıq, burılıs.
Bala-shaǵasın shuwlatıp, burıw jol menen batpaqlı, qamıslıq shóllerdiń jalǵız ótkeline baǵdar alǵan edi (Q.Dospanov).
0 Bet burıw — baǵdarın ózgertiw, ózgeriw, aynıw.
Baxıtqa qaray burıw dese burıw (T.Qayıpbergenov).
Sondıqtan ol dálkekke aylandırmaqshı bolın, betin burdı (M.Abdraymov).
Moyın burıw — tartıw.
Patsha sonda moyın burdı, Jálladları tikke turdı (T.Jumamuratov).