BOLDÍRÍW I
Qaraqalpaqsha
f. Júzege asırıw, ámelge asırıw, iske asırıw, is júzine asırıw.
Bolmas isti boldırsaq, Sonda tanıydı er dep (B.Qayıpnazarov).
Ǵáreziń bar edi sonı boldırıń, Oljaladıń, aldıń malǵa toltırdıń (Q.Irmanov).
O Murat-maqsetin boldırıw — tilegin, ormanın, oylaǵan oyın orınlaw, oyına jetiw.
Qayǵıǵa kewlin toltırdı, murat-maqsetin boldırdı («Máspatsha»).
Súyiwshilikti boldırıw — jaqsı kóriwshilik, qızıǵıwshılıq.
Demek, awıda bekkem turaqlı súyiwshilikti boldırıw tiykarǵı másele bolıp tabıladı (G.Esemuratov).
Qızıǵıwshılıqtı boldırıw — intalılıq, kewli ketiwshilik.
... olarda awıl xojalıǵı jumıslarına qızıǵıwshılıqtı boldırıw da ádewir tárbiyalıq áxmiyetke iye (G.Esemuratov).