BOYLÍ
Qaraqalpaqsha
kel. 1. Boyı uzın, boyshań.
Ǵosh jigitke namıs kerek, ar kerek, Boylı, sınlı nazlı nigár yar kerek (Berdaq).
2. Kishi, kelte, orta, qısqa, uzın, biyik taǵı basqa anıqlawıshlar arqalı boydı belgilew ushın qollanıladı.
Orta boylı, keń qushaklı jandı alǵan, qara kózi («Máspatsha»).
...ol uzın boylı ma, tompaq pa, aq bozlaq yaki kara torı ma, qısqası, onıń qanday qız ekenin kórgim keldi (Ó.Xojaniyazov).