BIY I
Qaraqalpaqsha
at. gón.
s. 1. Burın xalqımız urıw aqsaqalın biy dep ataǵan.
Ol áyyem zamanlardan solay atalıp kelip, onnan úlken hámel bolmaǵan.
Mıs: Mayqı biy, Asan biy, Amangeldi biy, Aydos biy, Maman biy xám t.b.
— Bul gúllán Qıpshaqtıń qádirdanı SHalkiyiz biy, — dedi Xalıqnazar jayǵasıp otırıp atırıp (K.Mámbetov).
Izbasar bahadır sóylemedi, lekin ol Bayqoshqar biyden názerin almadı (T.Qayıpbergenov).
... daw-jánjellerdi tek ǵana biy sheshetuǵın edi (Q.Irmanov).
2. Házirgi kúnde hár bir kishi máhóllede, kóshe boyınsha yaki kóp qabatlı jaylar da (hár bir jaydıń) biy boladı.
Ol sol kishigirim aymaqtı ádillik penen basqarıw ushın jergilikli puqaralar tárepinen saylap qoyıladı.
— Endi, jası úlken, kóshe biyi, mereke siziki, sonıń ushın jigitlerińizdi shaqır da, mına ıqtırmańdı buzdıra ber (M.Nızanov).
Al, kóshe biyi sen ne usınıs bildireseń? Bul jigit biziń awıldıń biyi, — dedi artta turǵan birew (Q.Irmanov).