BENDE
Qaraqalpaqsha
at. 1. Adam balası, adamzat.
Alǵıs alǵan harımas, Biysabır bende mandımas («Máspatsha»).
Qaydan júrseń, tursań degen hesh bende bolmadı («Alpamıs»).
— Mátjan inim, onday demeń! Ájel kelse, bir Alladan, bendeden káriwge bolmaydı (Z.Qaynarova).
Ási ketsem qayttım, táwbe ettim, bendeni jarılqaw, jazalaw yaratqannıń isi, — dedi ishinen sıbırlanıp (M.Nızanov).
2. Birewge qaraslı, baǵınıshlı, qaramaǵında bolıw.
...úsh kúnnen beri usımanda bende bolıp jatırmız (B.Bekniyazova).
Óz elimde qaynap tasıp tolıppan, Oylasam erkim joq bende bolıppan («Alpamıs»).
Sáhár waqga qırlı dúpáń atıldı, Bende bolıp tústim qolım shatıldı (Ájiniyaz).
0 Bende etiw — qul qılıw, qaraslı qılıw, zorlap qol astında júmsaw.
...qızlardı bende etiptimish (J.Aymúrzaev).
...baspashılar qolına ilingen xalıqtı bende etip óz eline aydaydı (B.Ismaylov).