BAǴÍSH
Qaraqalpaqsha
baǵısh etiw f. 1. Pidá bolıw, sarp etiw, bir nárseniń jolına basın arnaw, tigiw.
Badam qabaq júzinde qal, Jolıńa baǵısh dúnya-mal (Ájiniyaz).
Aǵa-begler tartsa jat jurtqa nesip, Dushpanlar quwanar kókeyin kesip, júrer kúnler bar ma kewlim ósip, Barlı ómirim baǵısh meniń xalıq ushın (qq.poez.ant).
2. Arnaw, niyetlew.
Usı úskenelerdiń hámmesi saǵan baǵısh (qq.x.e.).
0 Baǵısh etpew — bir nárseniń jolına basın tikpew, arnamaw, baǵıshlamaw.
Ata-anam ólgennen soń, Qızıl gúlim solǵannan soń, Jalǵız ózim qalǵannan soń, Denemdi baǵısh etpedim (Berdaq).
Men tiymeymen óltirseń de, Erteń darǵa ildirseń de, Qanday bir azap berseń de, Etpeymen denemdi baǵısh (Berdaq).