BAǴLÍ
Qaraqalpaqsha
kel. 1. Hár túrli miywe aǵashları menen gúlleri kóp.
— SHofyor ońǵa bur, anaw kóringen baǵlı jay, — dedi Sultan (A.Bekimbetov).
Kóz aldında Dneprdiń boyları, Kóz aldında Ukraina dalası, Hesh waqıtta shıǵar emes yadımnan, gúli baǵlı sulıw Kiev kalası (J.Aymurzaev).
Ámiw boyındaǵı baǵlı gúlzarın, Dańqlı qıyal júregime yosh saldıń, Baxtı bálent eken sen súyǵen yardıń, Máńgi nur jaynasın baxıt shıraǵıń (T.Seytjanov).
Daraǵıń kesildi baǵlı miyweli bir, SHer ólgen soń jeter qayaqqa xalı (Átesh).
2. Birewge baǵınıshlı, ǵárezli, qaraslı.
Berdaq aytar daǵlı ekenin, Zalımdarǵa baǵlı ekenin, Bir kóziniń akdı ekenin, Ǵárip qáserge pana ber (Berdaq).
3. Baǵı bar.
Bul jerde baydıń baǵı bar edi (qq.x.e.).