BAǴDARLAMA
Qaraqalpaqsha
at. Jol-joba, kórsetpe, tártip, qaǵıyda.
1. Belgili bir maqset, is-háreket yaki ilajlardıń aldın-ala belgilenip shıǵılǵan is jobası, onı ámelge asırıw tártibi, qaǵıydası; programma.
Salamat áwlad baǵdarlaması.
Mámleketlik tildi ámelge asırıw baǵdarlaması.
Azıq-awqat baǵdarlaması.
Mámleketimiz basshısınıń baslaması menen «Abat awıl» hám «Abat máhálle» baǵdarlamaları qabıl etilip, xalıqtıń turmısın túp-tiykarınan jaqsılawǵa qaratılǵan dóretiwshilik hám abadanlastırıw jumısları baslandı (gazetadan).
... instituttıń Hayal-qızlar komiteti baslanǵısh shólkemi tárepinen «Salamat ana hám bala jılı» mámleketlik baǵdarlaması tiykarında «Balanıń jatı bolmas» atamasındaǵı qáwenderlik qayır-saqawat aktsiyası hám milliy lipaslar tanlawı bolıp ótti (gazetadan).
Azıq-awqat baǵdarlamasın orınlaw, xalıqtı azıq-awqat ónimleri menen támiyinlewdi ádewir jaqsılaw boyınsha keshiktirilmeytuǵın wazıypanı sheshiw dán xetistiriwge oǵada úlken dárejede baylanıslı (gazetadan).
2. Qollanba sıpatında ámel etiw.
Oqıw baǵdarlaması.
3. Orınlanatuǵın ilajlar tártibi, dizimi.
Konferentsiya baǵdarlaması.
4. Televidenie hám radioda kórsetiwler hám esittiriwler baǵdarlaması.
5. Konyert baǵdarlaması.
Kafedranıń ziyrek jasları tárepinen konyert baǵdarlamasın tamashalap, nuranıy ustazlardıń kewil-keypiyatı kóterildi (gazetadan).