BAXÍT
Qaraqalpaqsha
at. SHadlı turmıs, ómirdegi quwanısh, uwayımsız, qayǵısız, tirishilik.
Erkin sayra, ullı baxıt baǵında, Qorıqpa, jolıń sarras aǵa Pirimbet (J.Aymurzaev).
Qınshelli tógin shashsa da, Tawsılmas baxıt udayı («Qırq qız»).
Bunnan artıq baxıttıń keregi joq, Tolǵanay.
Diyqannıń baxıtı — diyqanshılıqta, — dedi ol (SH.Aytmatov).
0 Baxıt qonıw, baxıt qusı qonıw — quwanısh, shadlıq ornaw, jaqsı turmıs keshiriw, waqtı xoshlıqta jasaw.
— Háy baba, on jeti jasımda atamnıń taxtı maǵan qalıp edi, basıma baxıt qondı («Máspatsha»).
Árman menen óldim-taldım deǵende, Umıt bolar dáwlet, baxıt qonǵanda (Omar).
Baxıt qusı qonıp endi basına, SHıǵıp qaldı jetpis altı jasına (T.Seytjanov).
El súymese, meniń jayım tórmedi? Biyik baxıt qıran qustay qonadı (T.Jumamuratov).
0 Baxıt nurı — shadlı turmıs ornaw.
Sónbeytuǵın baxıt nurı, SHayırlardıń aytar jırı (S.Nurımbetov).