BATÍL I
Qaraqalpaqsha
kel. Qaytpaytuǵın, taysalmaytuǵın, tayınbaytuǵın, ǵayrat, qaysar, er júrekli, kúshli.
...tolqınday tuwlaydı, batıl júrekli jigit álle neden qıpsınıp-qamıǵadı (K.Sultanov).
Qaytpadı qaysar Surtaysha, Bunday batıl talaptan («Qırq qız»).
0 Batılı barıw — júreksiniw, batırsınıw.
Bas tartpas barar batılı, Qay kásip kútip tursa da (B.Qayıpnazarov).
Seniń júregińe jerik bolıptı, Miyrimsizdin qalay bardı batılı (K.Sultanov).
Túw, bul qanday júrek deseńshi, qız benen sóylesiwge de batılımız jeter edi (Ó.Ayjanov).
Batılı barmaw — jasqanshaqlıq etiw, batırsınbaw, júreksinbew.
Dawısımdı shıǵarayın, oyatayın desem batılım barmadı (J.Aymurzaev).
Atı-jónin sorawǵa betinen uyat qılawı túspegen jaslardıń batılı barmadı (K.Sultanov).
Biraqta, súygen qızın birden qushaklap bawırına qısıwǵa batılı barmay, Aysánemge ábden jaqındaǵanda toqtap qaldı (A.Bekimbetov).