BALQÍW
Qaraqalpaqsha
f. 1. Deneniń, boydıń, kewildin, oydıń bosawı.
Nege ǵana qorıqpayın, Balqıydı meniń súyegim («Qırq qız»).
Olardıń betleri borlattay balqıp, shoqtay janadı (A.Bekimbetov).
Áne, monsha — tússeń deneń balqıydı, Áne, qayıq, — Arzıkólde qalqıydı (I.YUsupov).
2. Jerdiń bılqıldap bosawı, jibiwi.
Miynetten jumsap balqıǵan, Kim súymes saqıy dalanı (B.Qayıpnazarov).
0 Qorǵasınday balqıw, mumıyaday balqıw — adım kúshli ıssılıqtan qattı zatlardıń, metallardıń, shiyshelerdiń hám taǵı basqa zatlardıń suyıqlıqqa aylanıwı, eriwi.
b) awıs. jibisiw, bosasıw.
Anda bul sózdi Tayshaxan patsha esitip mumday erip, qorǵasınday balqıp, lábin tislep, gellesin shayqap, mıń pushayman etti («Alpamıs»).
Jolbarıstıń denesi qorǵasınday balqıydı («Máspatsha»).