BAYÍW
Qaraqalpaqsha
f. 1. Múlki, dúnyası kóbeyiw, molayıw, qúrǵınlanıw.
Usılay etip kempir kem-kem bayıydı (qq.x.e.).
SHiydiń túbin qayırǵan, Esap penen bayıǵan (qq.x.q.).
Miynet etip, kúshimizdi basqa birewlerdiń bayıwı ushın jumsaymız (Q.Irmanov).
2. Kóp egisliktiń egilip bolıwı, egistiń tamamlanıwı, egistiń bir túriniń egilip bolıwı.
Bıyılǵı egiste bayıdı (J.Aymurzaev).
3. Bilim, ilim, mádeniyat hám basqa da tarawlardın, rawajlanıwı, ósiwi.
Doslıq, birlik arqalı mádeniyatı menen ádebiyatı kórkeyip bayıp otıradı (Q.Ayımbetov).
... sın kótererlik 10 poema, 10 dramalıq shıǵarma, prozalardı jazıp ádebiyatımızdı bayıttı (G.Esemuratov).
Xár bir millet óz speńifikatsiyasına iye, bul ózgeshelikler hár bir xalıqtıń jer júzilik, mádeniyat ǵáziynesine qosatuǵın, onı tolıqtıratuǵın hám bayıtatuǵın úles bolıp esaplanadı (B.Ismaylov).
0 SHala bayıw — paydalı zat alıw, bir oljaǵa gezlesiw, bir payda túsiriw, tısqarıdan kiris bolıw, payda kóriw.
«Jarlınıń bir toyǵanı — shala bayıǵanı» degen, ... («Máspatsha»).
Eger bunıń bári telekke tússe, onda shala bayıp qalarmız (Ó.Xojaniyazov).