BAYLAW
Qaraqalpaqsha
f. 1. Arqandı, jipti, shıjımdı yamasa basqa bir nárseni bir-birine jalǵastırıw, túyistiriw, bánt etiw.
Qabaqgaǵı jipke uzın arqan baylap ırashta júrip, eki bala eki jaqtan tartamız (A.Bekimbetov).
Jarılǵan basın siyle menen bayladı (A.Bekimbetov).
Sonnan tártewin úzip ákelip, eki-ekiden moynın qosıp jip penen shatıp baylayıq (A.Bekimbetov).
2. Qanday da bir nársesin basqa birewge sıylawǵa beriw, xúrmetlew retinde sıyǵa usınıw, arnaw.
Endi baylawlı qarshıǵamızdı balasınıń qanjıǵasına bayladıq (K.Sultanov).
Bir tiyinsiz Sapardıń qanjıǵasına baylap jibergenimdi umıttıń ba qatın?! (K.Sultanov).
— Al, júdá endi? — dep Qudıyar jasawıldı ertip, tuwra shawıp baratır edi, toǵaydıń ishinen bir atlı shıqtı da tazıǵa bulardan burın jetip, qoyandı qanjıǵasına bayladı (K.Sultanov).
Bilerseń ıshqı dártin óziń oylan, Júregi jaralıǵa dım qıyın hal, Unatsań aq marlıǵa tań da baylap, Júrekti óziń emlep, tek óziń al (T.Seytjanov).
3. Belǵili bir sheshim, juwmaq.
Ernazardı aldawlıqta bayladıń, Ayıp bilmes haslщ natıq qoldawlı (Berdaq).
Baylap óler seniń júrer jolıńdı, Bayladı urı dep eki qolıńdı (A.Átesh).
0 Tili baylanıw — sóyley almay qalıw, únsiz qalıw.
Úndemeysiz neshe aylap, Qoya beriń tildi baylap (T.Jumamuratov).
Bel bayladı — táwekel etti, taqturdı, umtıldı, jigerlendi, ǵayratlandı, ǵurıjǵa mindi.
Aradan eki kún ótken soń Ámettiń ózegin órtegen oy bir jaǵına shıǵıp, ol Jumagúldiń úyine barıwǵa belin bayladı (Ó.Ayjanov).
SHofyor boldım mashın aydap, Sol talapqa beldi baylap (SH.Artıq).
Watanımız gúl jaynaǵan, Xalqı ushın bel baylaǵan, Namıs ushın jan qıynaǵan, Doslarǵa dawıs bereyik (D.Qasımov).
Jipsiz bayladı — awıs, ruqsat etpedi, óz erkine jibermedi.
Túsim be, ońım ba, yapırmay bala, — dep ishten oylanıp, jipsiz baylawda (SH.Artıq).
Kimniń mańdayındaǵı jalǵız eshkisin, kimniń sıyırın aparıp iyirip jipsiz baylap qoyıptı (K.Sultanov).
Kóz bayladı — aldadı, arbadı, bekkemledi.
Sonı barıp al da ushın is etip jonıp, Ispandiyardıń eki kózinen baylap sarı jayǵa salıp atsań... (qq.x.e.).
Qanat bayladı — talpınıwǵa umtılıw.
Seni súyip jırım qanat baylaǵan, Qıyalımdı alıp ushıp baradı (T.Seytjanov).
SHadlıǵıma shadlıq qosqan, Jazǵan sayın kewlim yoshqan, Qanat baylap órge ushqan, Bul jaslıq jırlarım saǵan (T.Seytjanov).
Baxtın bayladı — kesent, irkinish, zıyan.
Endigi jaǵında sol biydáwletti kútip baxtıńdı baylama, ózińniń ońarıńdı oyla, balam? (K.Smamutov).
Sen júripseń sayran etip toy-toylap, Paydasız qızlarǵa baxtıńdı baylap (A.Dabılov).
Baylama meniń baǵımdı, Ol aytqanıń kerek emes (Omar).
Suw bayladı — bóget basıw, saǵasın tıyıw, aǵızbaw, toqtatıw.
Juwırdı Gúljan bógetke, Pátli suw baylaw bermedi (B.Qayıpnazarov).
Saǵa baylaw — shıqqan jerin irkiw, toqtatıw.
Mine, ol on qarıqtıń saǵasın baylawǵa kiristi, ... (Ó.Xojaniyazov).
...olar