BAWÍR I
Qaraqalpaqsha
at. barlıq adamzatlar menen janlı-janıwarlarda bolatuǵın, ótti bólip shıǵarıwshı ishki organizmdegi eń úlken bez, múshe.
retinol sarı reńli palız ónimlerinde, xaywanlardıń bawırında boladı (gazetadan).
shılbır emes buydań awır, qurtlar jegen qatpa bawır, óziń arıq, arqań jawır, tuwǵanındı bileseń be? (kúnxoja).
izley-izley ózindi, qaljırap tur bawırım («qırq qız»).
itibarovqa bawırınıń astında bir nárse barday seziledi (m.nızanov).
tas bawır - qattı, sıqmar, bekkem adam, shıdamlı adam.
oy aqılsız palwan-ay, sen jámiyladan emes, balańnan da bezdiń ǵoy.
mınawın jurttan asqan tas bawırlıq, emes pe? (ó.ayjanov).
bawır qáde — quda shaqırıqta úrdiske aylanǵan dástúr.
keyingi waqıtlarda quda shaqırıqta «bawır qáde»ni kelinler aladı (gazetadan).