AREAL
Qaraqalpaqsha
1. Ósimlik yaki xaywanlardın qanday da bir túri, otryadı yaki tuqımlası tarqalǵan aymaq.
2. geog.
Kartada waqıya hám hádiyselerdi súwretlew usılı.
Olardıń shegarası úzliksiz sızıq, reń yaki shtrix penen kórsetiledi, geyde A ishine belgiler qoyılıwı yamasa túsinik beriliwi múmkin.
Bul usıldan geobotanik, zoogeografik, ekonomikalıq kartalar h.t.b paydalanadı.
3. Til qubılısları — fonetikalıq, leksikalıq h.t.b kubılıslar tarqalǵan jer, lingvistikalıq areal.
Areal atamalar — bir túrdegi geografiyalıq termin yamasa topoformant (toponim jasawshı qosımta) járdeminde jasalǵan toponimler tarqalǵan aymaqlar: — abad — Gúlabad, Diyqanabad, Xalqabad, — kent — Tashkent, Parkent, — tóbe — Qarawıltóbe, Aqtóbe t.b.
Areal lingvistika — 1) Til biliminiń lingvistikalıq areallardı izertlew menen shuǵıllanıwshı tarawı.
2) Til iliminde lingvistikalıq areallardı izertlewde ayrıqsha itibar beriwshi baǵdar.