APPAQ
Qaraqalpaqsha
kel. 1. Qarday, aq túsli, dım aq, júdá aq.
Reńine tárip berip óteyin, Sarı túsin jarıq kúnge teńeyin, Appaq reńin nurı deyin úyińniń, Al qarasın kózlerińe menzeyin (U.Bijanova).
Appaq qarǵa asıǵıp, alaqanın tutadı, Onnan sayın más qılıp, Japalaqlap jawadı (D.Orazov).
2. Pákize, taza, girbińsiz, kirsiz, gúnasız, kewilinde kiri joq.
Kishi menen kishidey, Úlken menen úlkendey.
Ashqan appaq júreǵin, Tásil-pásil búrkemey (T.Jumamuratov).
Seni megzetemen — Qaraqalpaǵım, Qálbi appaq náresteǵe sawdıraq, Sumlıǵı joq aytıp sózdiń anıǵın, Turatuǵın eki kózi jawdırap (Aqsholpan Amaniyaz).
3. Erkeletiw, marapatlaw, ǵirbińsiz, taza, pák mánisinde.
Aylanayın appaǵımaw, Qozı júnli qalpaǵım, Jurt súymese súymesin, Ózim súygen appaǵım (qq.x.s.j.).
Ǵarǵa súyer balasın appaǵım dep, Kirpi súyer balasın jumsaǵım dep (naqıl).
Appaq quwday — 1. Bop-boz, júzinde bir tamshı qanı joq; 2. Tolıq aǵarıp ketken.