ALǴÍS
Qaraqalpaqsha
at. Raxmet, táńir jarılqasın, ırzalıq.
Bul sózlerdi jazdı qolım, Búlbúl yańlı sayrap tilim, Bul báyitti tınlap elim, Qanday alǵıs berer eken (Berdaq).
at. 1. Jaqsılıq tilep aytılǵan, aytılatuǵın sózler, maqtaw, duwa, pátiya beriw, iygi tilek.
Aq degeniń alǵıs, qara degeniń ǵarǵıs (naqıl).
Bul sózlerdi jazdı qolım, Búlbil yańlı sayrap tilim, Bul báyitti tıńlap elim, Qanday alǵıs berer eken (Berdaq).
2. Írza bolıw, qanaatlanıw, maqtaw bildiriwshi qol shappatlawlar.
Alǵısına bólenip ata jurttıń, Uslattıń bizge bilimniń giltin, Sizge tájim eter xár bir shákirtiń, Qansha alǵıslar aytsaq ta az, Baxıtqa bólenip júrińiz, ustaz! (A.Satbaev).
3. Úzliksiz miyneti ushın aytılǵan rásmiy xúrmet.
Alǵıs jawdırıw — kóp alǵıs aytıw, qayta-qayta alǵıs aytıw.
Alǵıs aytıw — minnetdarshılıq bildiriw.
Alǵıs alıw — raxmetke, márxamatqa iye bolıw, ardaqlanıw.
Alǵıs alǵan asqar tawdan asarın, Jaqsılardıń júreklerde jasarın (Axmet).
Alǵıs járiyalaw — rásmiy túrde marapatlaw túri.
Alǵısqa bóleniw — ırzashılıqqa, ıqdasqa iye bolıw, raxmet alıw.
Alǵıs sóz — ırzashılıq, minnetdarshılıq belgisin bildiriw.
Sonıń menen birge perzentińiz marapat penen alǵıs sózdi esitken sayın el-xalıqqa paydalı bolıwǵa, jaqsılıq islewge asıǵıp turadı (gazetadan).